Шамси Қайси Розӣ — ноқиди шеър. Маҳмадёр Шарифов

Шамсуддин Муҳаммад ибни Қайси Розӣ, ки бо номи Қайси Розӣ ё Шамси Қайс машҳур шудааст, яке аз бузургтарин чеҳраҳои таърихии адабиёти тоҷик ба шумор меравад. Зиндагии ин адабиётшинос тақрибан дар охирҳои асри 12 оғоз ёфта, даврони эҷод ва поёни умраш ба нимаи аввали асри 13 рост меояд.

Рисолаи мазкур ба тадқиқи афкори адабӣ-танқидии мардуми тоҷик бахшида шудааст. Дар рисола ҳаёти илмӣ-адабии Шамси Қайс дар муқоиса бо рӯйдодҳои таърихии замони истилои муғул мавриди тадқиқ қарор гирифта, мақоми ӯ ҳамчун адабиётшиноси тирози аввал муайян карда мешавад. Да рисола нақди шеър ва моҳияти он то асри XIII баррасӣ мешавад. Муаллиф дар ин замина таърихи нақди адабиро таҳлил намуда, таъсири афкори пешқадами илмиро ба марзҳои ҳамҷивору ҳамзабон таъкид мекунад. Мавзӯи марказӣ тадқиқи афкори адабӣ-танқидии адабиётшиноси бузурги асри ХIII — Шамси Қайси Розӣ мебошад.