Маҷмуаи машқҳо барои барномасозии компютерӣ. Аҳтам Назаров, Маҳмадсалим Абдукаримов

Маҷмуаи машқҳо барои барномасозии компютерӣ (Замима ба китобҳои дарсӣ)

Тараққиёт ва рушду инкишофи ҷаҳони имрӯзаро бе татбиқи дастовардҳои илмҳои дақиқ тасаввур кардан ғайриимкон аст. Хусусан, пас аз инкишофи илми информатика суръати тараққиёти ҷомеа ба маротиб афзуд. Ҳоло тамоми самтҳои зиндагии одамон бо компютер ва технологияҳои иттилоотӣ зич алоқаманд аст. Бинобар ин, ҳамарӯза тамғаҳои нав ба нави компютер истеҳсол шуда, мавриди истифода ва баҳрабардории одамон қарор мегиранд. Тавассути компютер масъалаҳои гуногуни ҳаётиро, ки боиси ба гардиш даромадани чархи тараққиёти ҷомеа мегарданд, ҳал кардан мумкин аст. Вале ин корро танҳо мутахассис метавонад амалӣ созад. Ҳамон мутахассисе, ки дар компютер барои ҳалли ин ё он масъала барнома навишта метавонад. Аз ин хотир, тайёр намудани кадрҳои болаёқати барномасоз яке аз масъалаҳои муҳим ба ҳисоб меравад.