Оташи ҷонафрӯз. Нилуфар

Нилуфа дастпарвари шӯъбаи рӯзноманигории Донишгоҳи миллии Тоҷикистон аст. Ҳарчанд ки ӯ ба қаламу дафтар меҳри беандозае дошт, қисмат ӯро ба роҳи дигар бурд ва солҳои тӯлонӣ ба корҳои ҳизбиву давлатӣ иштиғол варзид ва солҳои охир дар Ҳукумати вилояти Суғд корманди масъул буд. Аз рӯи тақозои вазифа саропои Тоҷикистонро гашт, ба кишварҳои дуру наздик сафар кард ва ба қавле, одаму оламро ба чашми худ дид.

Нилуфар дар ноҳияи дурдасти Дарвоз, ки васфи онро устод Деҳотӣ моҳирона ба қалам овардааст, ба дунё омада, меҳри онро, ҳусну малоҳати онро чун тӯшаи роҳ ҳамеша бо худ бурдааст.