Достонҳои Шоҳнома (китоби дуюм). Сотим Улуғзода

Достонҳои «Шоҳнома» (китоби 2). Нигориши Сотим Улуғзода. Таҳияи Алии Муҳаммадии Хуросонӣ.

Нависанда ва филмноманигори маъруфи тоҷик, барандаи ҷоизаи давлатии ба номи Абӯабдуллоҳи Рӯдакӣ Сотим Улуғзода бо осори гаронмояи худ «Ёрони боҳиммат», «Субҳи ҷавонии мо», «Навобод», «Ибни Сино», «Қисмати шоир», «Восеъ», «Ривояти суғдӣ», «Фирдавсӣ» ва ғайра на танҳо дар кишварамон, балки берун аз он хонандаи сершумор дорад. Соли 1997романи «Фирдавсӣ» мавсуф ба сифати «Романи сол»-и Ҷумҳурии Исломии Эрон пазируфта ва нависандаи он ба баҳои 40 сиккаи тилло (4000 $) сазовор гардид.

«Достонҳои «Шоҳнома» аз нигориши пурқимати устод Сотим Улуғзода буда, мардумамонро ба тариқи мансур мухтасаран бо «Шоҳнома»-и бузурги Абулқосими Фирдавсӣ шинос менамояд ва инак, пешкаши шумо, хонандагони нуктасанҷ мегардад.