Саргузашти Ҳотами Тай

Аз Рӯдакӣ сар карда тамоми шоирони номӣ Ҳотамро дар шеърҳояшон ҳамчун шахси бокарам ва сахӣ тасвир намудаанд. Китоби мазкур дар асри XV, аз тарафи муаллифи номаълум тартиб дода шудааст. Мазмуни «Саргузашти Ҳотам» чунин аст: як соҳибҷамол ба худ қавл медиҳад, ки то ба ҳафт саволаш ҷавоби қаноатбахш надиҳанд, ба шавҳар намебарояд. Ҳотам ба Мунири ошиқ, ки ин шартҳои Ҳуснбонуро иҷро карда наметавонад, ёрӣ медиҳад. Барои ба ин саволҳо ҷавоб додан Ҳотам ҳафт сафари афсонавӣ мекунад. Мазмуни китоб аз саргузаштҳои аҷоиби ӯ иборат аст.