Осор-ул-боқия. Абӯрайҳон Берунӣ

«Осор-ул-боқия»-и олим, мутафаккир ва ҳакими барҷаста Абӯрайҳон Муҳаммади Берунӣ шоҳкори афкори илмии асрҳои X—XI ба шумор меравад. Муаллиф дар он ба таҳлили ташаккули шаклҳои мухталифи фарҳанги инсонӣ пардохта, сабабҳои пайдоиши ҷараёнҳои мухталифи мазҳабӣ ва муборизаи байни онҳоро ошкор намуда, муносибати мутафаккирони гузашта ва ҳамзамонони худро нисбат ба онҳо муайян менамояд. Аз ин китоби бебаҳо дар бораи пайдоиши олам, ҳаёт, воқеаҳои оддиву ғайриоддии табиӣ, сабабу тарзҳои пайдоиши оину кешҳо, мояи пайдоиш ва шакл гирифтани тақвими ҳиндуён, румиён, яҳудон, тоҷикону форсҳо, арабҳову қитбиён маълумоти фаровон ба даст меоред.