Гулдони ҳафтранг. Муҳаммадалии Аҷамӣ

«Гулдони ҳафтранг» таҳлили ҳунарӣ ва бадеию зебоишиносии чанд дубайтии устоди шодравон Лоиқ Шералиро дар бар гирифтааст, ки ҳама бо диди наву забону баёни дилнишин ба қалами шоир ва муҳаққиқ Муҳаммадалии Аҷамӣ анҷом ёфтааст. Муаллиф кӯшидааст, ки кори худро дар ҳадди аҳсан ба сомон расонад ва ба ин муваффақ ҳам шудааст.

Китоб ҳадяи арзандаест, ки ба ифтихори 70-солагии устод Лоиқ Шералӣ ба ҳаводорони шеъри волояшон пешкаш мешавад ва ҳамчунин донишҷӯёни донишгоҳҳо ва муҳаққиқони адабиёт метавонанд аз он баҳраҳо бардоранд.