Асосҳои интихоби касб. Синфи 10-11. Латофат Назирӣ, Абдусалом Миралиев

Асосҳои интихоби касб. Китоб барои дарсҳои тарбиявии хонандагони синфҳои 10 –11-уми муассисаҳои таҳсилоти миёнаи умумӣ.

Дар ҷавонӣ саъй кун, гар бе халал хоҳӣ амал,
Мева бенуқсон бувад, чун аз ниҳоли навбар аст.
Абдурраҳмони Ҷомӣ

Ҳукумати Ҷумҳурии Тоҷикистон таҳсилоти касбиро ба сифати яке аз ҷузъҳои муҳимми низоми маориф арзёбӣ мекунад, ки он иқтисодиёти миллиро бо мутахассисони баландихтисоси коргарӣ таъмин карда, дар рушди иҷтимоию иқтисодии кишвар ва баланд бардоштани некуаҳволии шаҳрвандони он саҳми арзанда мегузорад.