Суруд ва мусиқӣ. Синфи 3. Сафари Гулназар

Суруд ва мусиқӣ. Китоби дарсӣ барои синфи 3-юми муассисаҳои таҳсилоти умумӣ. – Нашри чорум

Ҳадафи асосии дарсҳои мусиқӣ, қабл аз ҳама, тарбияи инсон аст. Инсони молики ақлу хиради баланд, ахлоқи ҳамида, виҷдони пок, ғамхору накӯкор, ватандӯсту сулҳҷӯ, далеру шуҷоъ, ҷавонмарду шикебо (сабркунанда).

Китоб бо мавзуъҳои мусиқӣ тарҳрезӣ шудааст. Ин ҷиҳати омӯзиши мушаххаси маводди лозима дар вақти муайян мусоидат мекунад. Дарсҳои мусиқӣ дар синфҳои ибтидоӣ аз бахшҳои шунавонидани мусиқӣ, машқҳои овозӣ, сурудсароӣ, ҳаракати мусиқии зарбӣ ва маърифати мусиқӣ иборат аст. Дар ин китоб доир ба ҳамаи бахшҳои зикршуда маводди лозимаро метавон дарёфт.