Рисолаи Дилкушо (чанд ҳикоят). Убайди Зоконӣ

Аз Убайди Зоконӣ, ин адиби хушзавқу тавоно як мероси гаронбаҳо боқӣ мондааст, ки “Ахлоқ-ул-ашроф”, “Садпанд”, “Даҳ фасл”, рисолаи “Дилкушо”, достони “Муш ва гурба” аз ҳамин ҷумлаанд.

Намунаҳо аз осори гаронмояи ин адиби хушнавис дар Тоҷикистон ба хати крилӣ баргардон ва борҳо чоп шудаанд. Яке аз ин асарҳо рисолаи “Дилкушо”-и адиби номвар аст. Ин китоб дар нашриёти “Адиб” соли 1991 бо ороиши хеле ҷолиби Акрам Хусамов нашр шудааст.

Аз ҳикоёти китоб яке ин аст: Шахе даъвои худоӣ мекард. Ӯро пеши халифа бурданд. Ӯро (халифа) гуфт: -Порсол ин ҷо яке даъвои пайғамбарӣ мекард, ӯро бикуштанд. Гуфт: -Нек карданд, ки ӯро ман нафиристода будам.