Мавҷу авҷи зиндагӣ. Хадича Давлатмамадова

Китобе, ки дар даст доред, навиштаи як сокини оддии деҳаи дурафтода ва баландкӯҳи Помир Авҷ Хадича Давлатмамадова мебошад. Ин китоб аз ду қисмат иборат буда қисмати аввали он, ки наср аст, дар бораи зиндагии як бонуи баиффат, ки бо заҳмат ва меҳнати вазнин, вале ҳалоли худ роҳи дурусти зиндагиашро ёфта, соҳиби обрӯ ва эҳтироми ҳамагон гардидааст, ҳикоят мекунад. Ин нахустнавиштаи бону Хадича бошад ҳам, аз истеъдоди нотакрори вай дарак медиҳад. Китоб бо забони равону ширин эҷод шуда, бо ҷузъиёти шавқовар оро дода шудааст.

Қисмати дуввуми китоб аз шеърҳо иборат аст. Абёти гуфтаи бону Хадича бори шеъри касбиро намекашад, вале ба унвони инъикоскунандаи дарди дили як фард таваҷҷӯҳи касро ҷалб мекунад.