Информатикаи татбиқӣ. Файзалӣ Комилиён, Дилшод Шарапов

Китоби мазкур барои ҳаводорони техникаи компютерӣ ва худомӯзони технологияи информатсионӣ пешкаш карда шудааст. Китоб хонандаро доир ба паҳлӯҳои фанни Информатика ва хусусиятҳои фанни Технологияи информатсионӣ, оид ба мафҳуми информатсия ва хосиятҳои компютер, дар бораи системаи оператсионии Microsoft Windows ва замимаҳои он - MS Word, MS Excel, имкониятҳои программасозӣ тавассути забони Visual Basic ва оид ба намудҳои шабакаҳои компютерию технологияи ҳифзи информатсия ошно хоҳад кард.

Аз ин китоб, ки вай дар заминаи матни лексияҳои муаллифон эҷод шудааст, ҳамчун васоити таълимӣ устодону шогирдони донишгоҳу донишкадаҳо, мактабҳои миёнаву литсейҳо ва умуман доираи васеи худомӯзоне, ки донишу малакаи худро дар азхудкунии технологияи коркарди компютерии информатсия сайқал доданианд, истифода бурда метавонанд.