Достони ватанхоҳӣ. Усмон Олим

Шоир барои ибрат гирифтан аз таърих ҳодисаҳои нохуши ҷанги аз сар гузаронидаи ватанамон ва роҳи мушкили ба ваҳдат расидани миллатро самимона ба қалам додааст. Достон аз як оилаи азиятдидаи ҷанги шаҳрвандӣ бо таҳриру такмили нав рӯи варақ оварда шудааст. Дар достони Усмон Олим дар баробари хислатҳои ватанхоҳиву ватанпарастӣ, фалсафаи беохир барои некӣ доштан, ҳифзи якпорчагии диёр, зиракиву ҳушёрии сиёсӣ сафҳа-сафҳа тасвири доманадор ёфтаанд. Аз хондани ин гуна байтҳо ҳисси патриотӣ дар хуни инсон ҷӯш мезанад ва кас қодир мешавад, ки барои ватан ҷонфидоӣ кунад.