Дарункӯб (ҳаҷвияҳо). Абдурауф Муродӣ

Ҳаҷв суханест сӯзандаву созанда. Он ҳарчанд ба зоҳир хандабарангез аст, ба ботин ханҷари тез аст. Ва ашхоси ноқисрафтору нохушгуфторро ҳушдор медиҳад, дарункӯб мекунад, то назари кибру ғурур аз осмон бикананду ба вазъи худ бингаранд ва пайи ислоҳи хештан ва тозагии рӯҳу тан бикӯшанд.

Ҳаҷвиёти нависандаи соҳибистеъдод Абдурауф Муродӣ ҳамин хусусиёти умдаро доранд ва бидуни шубҳае, баҳри солимии маънавии аҳли ҷомеа ва бартарафсозии нуқсонҳо дар рафтору кирдори иддае аз ашхоси ноқобил хидмати арзанда хоҳанд кард.