Чашмаи мурод. Маҷмӯаи шеърҳо. Наимҷон Назирӣ

Маҷмӯаи шеърҳои «Чашмаи мурод», ки ба муносибати 70-солагии зодрӯзи шоир Наимҷон Назирӣ ба табъ мерасад, нигоштаҳои солҳои охири ӯро дар бар мегирад. Дар онҳо хандаи баҳор, нағмаи мурғакони беқарор, оҳанги шӯхи ҷӯйбор, насими форами кӯҳсор, висоли ёр, меҳри диёр, сулҳи пойдор ва аллаи модари шабзиндадор тараннум гардидааст.

Ҳаҷвиёти шоир ҳам соддаю равон ва самимӣ буда, дар онҳо хушомадхӯҷаю дурӯяҳо, муфтхӯру мансабпарастҳо, бадрашку оилабезорҳо, бевиҷдону қаллобҳо барин нафарони нопоки ҷомеа ба зери тозиёнаи танқид гирифта шудаанд.